Seinastu mongu umførini hava Rói Berg Hansen og liðfelagarnir í HØJ verið oddalið í næstbestu donsku hondbóltsdeildini.
Í dag misti HØJ oddasessin til Ringsted.
HØJ tapti á heimavølli 22-28 fyri Skive. Í steðginum var Skive á odda 12-8.
Rói var ikki millum málskjúttarnar hjá HØJ í dag.
Ringsted og HØJ hava bæði 17 stig, men Ringsted hevur betri málmun. Skive er nummar trý við 16 stigum.
Jónas G. Djurhuus, Leivur Mortensen og liðfelagarnir í FIF taptu 29-34 fyri Odder á útivølli.
Odder var á odda 17-16 í steðginum.
Jónas skoraði seks mál, og Leivur skoraði eitt mál fyri FIF í dag.
FIF er nummar sjey í deildini við 10 stigum.
Komandi leygardag tekur FIF móti HC Århus á heimavølli. Sama dag spælir HØJ útidyst móti Skovbakken.