Soleiðis skrivar KBI í tíðindaskrivi í morgun. Rói hevur verið í starvi í fyritøkuni í fleiri ár, har hann seinastu tvey árini hevur røkt starvið sum sølustjóri. Í sínum starvið hevur hann fingið holla vitan um virksemi í samtakinum, og í tøttum samstarvið við Karl Birgir sála, verið við til at mynda felagið.
– Eg fari saman við øllum okkara fantastisku starvsfólkunum at reka fyritøkuna víðari í sama anda, sum hon higartil er rikin av Karl Birgir sála. Vit fara framvegis at veita eina sera góða tænastu, og eitt breitt úrval av vørum til tað føroyska vinnulívið. Vit hava stórar ætlanir fyri framtíðina, sum vera settar í verk í komandi ár, sigur Rói Clementsen.
Vit gleða okkum til framhaldandi gott samstarv við bæði kundar og veitarar.
KBI samtakið umfatar fyritøkurnar KBI, Pólar, Solberg og Tín Lásasmiður. Allar fyritøkurnar hava til felags at veita vørur og tænastur til føroyska vinnulívið. Í samtakinum arbeiða 26 starvsfólk, og halda tey til í Klaksvík, Kollafjørð og Tórshavn.
