Rógvi Dal-Christiansen skoraði trý mál, og tók nógv tøk í verjuni sum vant, tá hann og liðfelagarnir í Roskilde á heimavølli leiktu javnleik 28-28 móti Tønder.
Jeppe Hjorth skoraði til 28-27 til Roskilde tá seks sekund vóru eftir av dystinum, men ólukkutíð megnaði Thomas Clausen at javna til 28-28 í tí allar seinasta sekundinum av dystinum.
Hvørki Leivur Mortensen og Brandur Halgirsson vóru millum málskjúttarnar hjá Ajax, ið vann 28-27 á Odder á útivølli. Í steðginum var heimaliðið á odda 14-12.
Støðan:
| Nr | Lið: | Dystir | Stig |
| 1 | HØJ | 4 | 7 |
| 2 | Rækker Mølle | 4 | 6 |
| 3 | Aarhus HC | 4 | 6 |
| 4 | Ajax | 4 | 6 |
| 5 | Roskilde | 4 | 5 |
| 6 | FIF | 4 | 4 |
| 7 | TMS Ringsted | 4 | 4 |
| 8 | Skive | 4 | 4 |
| 9 | Team Sydhavsøerne | 4 | 4 |
| 10 | IK Skovbakken | 4 | 3 |
| 11 | TM Tønder | 4 | 3 |
| 12 | Odder | 4 | 2 |
| 13 | Grindsted GIF | 4 | 1 |
| 14 | Otterup HK | 4 | 1 |
