Tvey føroyingalið vóru í leiki í næstbestu donsku hondbóltsdeildini í dag.
Rói Berg Hansen gjørdist toppskjútti hjá HØJ við seks málum, ið vann greiðan 29-22 sigur á HEI Skæring á útivølli.
HØJ spældi ein rimmar fyrra hálvleiki. Í steðginum var HØJ á odda 17-9, og eitt skiftið vóru Rói og liðfelagarnir á odda við 11 málum.
Komandi leygardag klokkan 13 verður føroyingauppgerð millum HØJ og Róa og liðið hjá Teis Horn Rasmussen og Sjúrði Olsen, Tønder í Tønder.
Rókur Akralíð skoraði trý mál fyri Odense, ið tapti 26-30 fyri Vendsyssel á útivølli. Heimaliðið var á odda 17-12 í steðginum.
Komandi fríggjakvøld tekur Odense móti Roskilde á heimavølli.
HØJ liggur í oddinum saman við trimum øðrum liðum sum eisini hava 10 stig. Hini liðini í oddinum eru Skovbakken, Sydhavsøerne og Midtjylland.
Odense er nummar 10 av teimum 14 liðunum við fýra stigum fyri seks dystir.