Seinasta árið er fólkatalið í Føroyum vaksið við 834 fólkum, og 1. juni búðu 53.358 fólk í Føroyum. Tað var ein vøkstur á 1,6 prosent.
Suðuroyggin er nú væl við í fólkavøkstrinum, og seks av sjey kommunum í Suðuroy hava havt fólkavøkstur seinasta árið.
Lutvíst størsti vøksturin í Suðuroy hevur verið í Hovs kommunu, har fólkatalið vaks við 6,2 prosentum. Í Fámjins kommunu var fólkavøksturin 3,7 prosent, í Porkeris kommunu 2,8 prosent, í Tvøroyrar kommunu 2,1 prosent, í Vágs kommunu 1,2 prosent og í Hvalbiar kommunu 1,0 prosent. Bert í Sumbiar kommunu minkaði fólkatalið – tað minkaði 2,2 prosent.
Frá 1. juni í fjør til 1. juni í ár vaks fólkatalið í Suðuroy við 69 fólkum.
Fólktalið í Suðuroy 1. juni 2021
Hvalbiar kommuna: 679
Tvøroyar kommuna: 1.765
Fámjins kommuna: 85
Hovs kommuna: 103
Porkeris kommuna: 328
Vágs kommuna: 1.372
Sumbiar kommuna: 350
(Kelda: Hagstova Føroya)
