Nýggja grundstykkjaskipanin, sum Nes kommuna nú setir í verk, verður tikin í nýtslu hin 2. juni í ár.
Kommunan hevur áður kunnað um, at tey nú fara at selja grundstykkir eftir einum nýggjum leisti.
- Skipanin virkar á tann hátt, at tøk grundstykki verða sett til sølu á heimasíðuni einaferð um mánaðin.
Leisturin er nú tann, at tann fyrsti, sum sendir inn umsókn, fær stykkið, siga tey í Nes kommunu.
- Dagførdi sølulistin verður tøkur á heimasíðuni hvønn fyrsta yrkadag í mánaðinum klokkan 17, um annað ikki er fráboðað.
Í Nes kommunu siga tey, at nýggja skipanin verður tøk fyrstu ferð hósdagin 2. juni klokkan 17.
- Grundstykkini, sum verða til sølu, verða kunngjørd á heimasíðuni seinnapartin mánadagin, verður lagt aftrat.