Í Kunoyar kommunu fara tey hin 1. juni at seta tvey grundstykki til sølu. Talan er um matr. nr. 150t og 150o.
- Sambært reglugerð um grundøki og byggisamtykt fyri Kunoyar kommunu eru grundøkini sett av til sethúsabygging til fastbúgvandi.
Tað siga tey í Kunoyar kommunu.
Mælt verður til, at fólk, sum ætla sær at søkja um hesi grundstykki, kunna seg um galdandi reglugerðina fyri grundstykkini.
Í Kunoyar kommunu ætla tey sær eisini at gera ein bíðilista til fólk, sum ynskja at byggja summarhús í kommununi.
- Fólk, sum ynskja at verða á listanum til summarhús, kunnu venda sær til kommununa og biðja um at verða sett á listan.
Um áhugi er fyri at byggja summarhús í Kunoy, ætlar kommunan sær at gera eina útstykking til tað endamálið.
