Seinnapartin vann føroyska liðið í Vestmannaoyggjunum, ÍBV 34-31 á Gróttu í heimadysti í bestu íslendsku hondbóltsdeildini.
Í steðginum var ÍBV á odda 16-15.
Føroyingarnir gjørdu aftur sítt fyri ÍBV. Dánjal Ragnarsson skoraði fýra mál og Janus Dam Djurhuus skoraði trý mál.
Stóri leikarin hjá ÍBV í dag var Rúnar Kárason, ið skoraði heili 11 mál.
ÍBV er nú nummar fimm í deildini við 10 stigum. Fýra stig eru upp til oddaliðið, Valur.
Komandi leygardag spælir ÍBV móti Haukum á útivølli.
