Í dag er eitt minni ísfiskalínuskip til fiskiskap. Teir fáa mest av hýsu og toski og koma inn at landa fyrst í næstu viku.
Sambært Fiskamarknaði Føroya í dag eru ikki onnur ísfiskalínuskip til fiskiskap í løtuni.
Hinvegin hava flestu frystilínuskip loyst í nýggja árinum. Sjey eru til fiskiskap, og tey eru øll í føroyskum sjógvi.
Útlitini til útróður teir næstu dagarnar eru heilt hampilig í mun til árstíðina, nú tað er háveturstíð.
Streymurin verður brúkiligur alla næstu viku, og veðrið verður eisini hampiligt.
- So, vit rokna við, at nakað verður av útróðri. Bátarnir fáa mest av hýsu og so nakað av toski, verður lagt aftrat.