Tað hevur nú eydnast at sløkkja eldin umborð í einum stórum bingjuskipi út fyri strondini á Sri Lanka. Eldur kom í skipið hin 20. mai, og skipið hevur nú brent í 13 samdøgur tilsamans.
X-Press Pearl, sum bingjuskipið kallast, er 186 metrar langt, og tað liggur fyri teym út fyri havnini í Colombo. Sambært NTB var skipið eisini lastað við 25 tonsum av saltpetursýru og stórum nøgdum av plasttilfari.
NTB veit at siga, at maskinrúmið í skipinum er fult av sjógvi, og afturendin á X-Press Pearl er sokkin ein metur niður í sjógvin. Nú eru teir givnir at sproyta skipið við sjógvi.
Sagt verður, at enn eru partar av skipinum ov heitir til, at farast kann umborð á gera endaligar kanningar. Á Sri Lanka siga tey, at talan er um higartil størstu umhvørvisvanlukku í landinum.
##med2##