Leirvík: Á hugnaligu løtuni vísti formaðurin í trivnaðarnevndini, Ólavur Sjúrðaberg á teir møguleikar sum nýggi stovnurin fer at hava.
Hann vísti á góða útsýnið yvir fjørðin, út yvir bygdina í ein norðan og móti eystur. Barnagarðurin kemur haraftrat at liggja í einum náttúruvøkrum øki, tætt við á, viðarlundina og fótbóltsvøllin og hagan.
Á samkomuni sungu børnini ein sang og síðani var farið inn í bygdarhúsið, har øll fingu ein góðan bita sum starvsfólk í barnagarðinum høvdu skipað fyri. Samstundis við hetta var høvið hjá fólki at síggja tekningar av nýggja barnagarðinum.
P/f Fjarðahús skulu byggja barnagarðin, sum er ætlaður til 84 vøggustovu- og barnagarðsbørn. JHR Entreprenørum fara nú at grava út fyri barnagarðinum.
Hesi bæði arbeiðini kosta tilsamans 13,4 mió. krónur.
Barnagarðurin verður eftir ætlan klárur at taka í nýtslu komandi summar.
