Kvinnurnar hjá H71 er væl og virðiliga sparraðar í Europa Cup kappingini, og hetta tykist at koma teimum til góðar í SMS-deildini.
Aftur í kvøld vunnu hoyvíkskvinnur aftaná ein tættan dyst. Í kvøld vann H71 á heimavølli tepran 27-25 sigur á Neistanum. Í steðginum var javnleikur 13-13.
Komandi sunnudagarnir vera avgerandi um tað í heila tikið verður nakar spenningur um tey fýra FM-finaluplássini í SMS-deildini.
Verandi føroyameistarar, StÍF taka móti H71 í høllini á Skála komandi sunnudag, og talan er um ein dyst StÍF má vinna fyri at halda lív í vónini at røkka fjórða plássinum.
Sunnudagin aftaná spælir StÍF í KÍ-høllini í Klaksvík móti Stjørnuni, og tá er kravið tað sama.
H71-Neistin 27-25 (13-13)
Málskjúttar H71: Jana Mittún 7, Brynhild Pálsdóttir 5, Maria H. Weyhe 4, Lív B. Zachariassen 3, Guðrið á Borg 2, Lukka Arge 2, Elsa Egholm 1, Rannvá Arge 1, Vár B. Zachariassen 1, Bjørk Brimnes 1.
Málskjúttar Neistin: Sólbjørt Høj 7, Maria P. Nólsoy 7, Rakul Magnussen 4, Ingunn Kristina Persson 3, Hervør Niclasen 3, Rúna Larsen 1.
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
KYNDIL | 10 | 289 | 230 | 59 | 15 |
H71 | 8 | 247 | 190 | 57 | 15 |
NEISTIN | 10 | 265 | 214 | 51 | 14 |
STJØRNAN | 9 | 276 | 204 | 72 | 12 |
STÍF | 10 | 246 | 235 | 11 | 8 |
EB | 9 | 158 | 296 | -138 | 2 |
VB | 10 | 198 | 310 | -112 | 0 |