Tríggir dystir vóru leiktir í SMS-deildini í dag.
Dysturin har tað var frægast av spenningi var dysturin, ið var leiktur í høllini við Streymin, har EB tók ímóti Neistanum.
Neistin vann dystin 30-23. Í fyrra hálvleiki leikaði meira javnt á, og í steðginum var Neistin bert á odda 14-12.
Sanja Pajic var toppskjútti hjá EB við sjey málum. Lív Rouch var toppskjútti hjá Neistanum við seks málum.
Í høllini á Hálsi í Havn vann Kyndil stórsigur 39-15 á StÍF. Í steðginum var Kyndil á odda 16-4.
Turið Arge Samuelsen var toppskjútti hjá Kyndli við 10 málum. Josefne Dyring var toppskjútti hjá StÍF við fimm málum.
Í KÍ-høllini vann VÍF stórsigur 39-20 á Stjørnuni. Í steðginum var VÍF á odda 19-9.
Mina Sirdal Henriksen var toppskjútti hjá Stjørnuni við fimm málum. Toppskjútti hjá VÍF við sjey málum var Rakul Borgarlíð Joensen.
HER ber til at síggja dómaraseðlarnar hjá HSF frá teimum trimum dystunum í SMS-deildini:
##med2##
##med3##
##med4##
