Nú søkir Strandferðslan eftir manning til avloysaraskipið hjá Smyrli, Herjolfur III, ið eisini skal føra farm um Suðuroyarfjørð.
Herjolfur III er ferja, ið hevur røkt sigling í Íslandi, mellum Vestmannaoyggjarnar og meginlandið.
Søkt eftir stýrimonnum, maskinmeistarum, dekkarum, kokkum og tænastufólkum til tíðaravmarkað starv til at sigla við á Herjólfi III frá umleið juni 2022 til september 2023.
Endamálið við skipinum er at føra farm. Umframt at loysa Smyril av tá hann er í dokk, skrivar SSL millum annað í starvslýsingini.
Umsóknarfreist er fríggjadagin 27. mai 2022 kl 12.00.
