Tað er hálvleikur suðuri í Porto í Portugal, har Føroyar og Slovenia spæla EM dyst. Hálvleiksstøðan er 18-15 til Slovenia. Í gjár, tá ið Føroyar vunnu 33-32 ímóti Danmark, var hálvleiksstøðan 15-15.
Tað kom púra óvart á, tá ið spælararnir stóðu á vøllinum og tjóðsangirnir vórðu spældir, at føroyski stjørnuspælarin Elias Ellefsen á Skipagøtu, ikki var á vøllinum, men í staðin var á beinkinum, har venjararnir og hjálparfólkini sita.
Orsøkin er sambært Kringvarpi Føroya at Elias er skaddur. Talan er um knæskaða, sum hevur argað seinastu mánaðirnar, og sum plágaði eftir sigurin ímóti Danmark í gjár.
Inntil 10 minuttir vóru farnir gekk javnt á. Tá var støðan 4-4, og síðani vóru leingi fýra og onkuntíð fimm mál á muni í fyrra hálvleiki. Fram ímóti steðginum eydnaðist tað føroyingunum at minka um munin til trý mál ímóti Slovenia, sum vann seinastu EM kappingina fyri U-20 lið.
-
Føroyar - Slovenia (15-18)
Óli Mittún 4
Hákun West av Teigum 4
Rói Ellefsen á Skipagøtu 3
Pauli Mittún 2
Baldur Gillason 1
Janus Dam Djurhuus 1
Bogi Hansen
Kristoffur Bjørgvin
Hanus Arason
Sveinur Olafsson
Sakir Tróndarson Frýdal
Ovi Lützen
Viktor Gaini
-
Pauli Jacobsen 6/24 25%
Alexandar Lacok 0/0
