Størsti kjarnorkureaktorur í Evropa sløknaði

Roknað verður við, at hann verður aftur í rakstri í morgin.

Tað upplýsir finska felagið TVO, sum stendur fyri rakstrinum.

Orsøkin var ein feilur í hitamátingini og hevði sambært felagnum »onga ávirkan á nukleru trygdina«.

Olkiluoto 3 framleiðir umleið 14 prosent av streyminum í Finnlandi.

Hann var tikin í nýtslu í apríl í 2023. Tað var umleið 18 ár eftir, at byggingin byrjaði – og 14 ár eftir at hann eftir ætlan skuldi havt verið farin undir handilsligan rakstur.

/ritzau/AFP