Hondbóltur
Tað kann væl vera, at Stjørnan aftur vinnur seg á oddasessin, tá tær um vikuskiftið spæla heimadyst móti Neistanum.
Men við sigrinum á Kyndli í gjárkvøldið hevur Tjaldur sett seg á oddasessin, og tað markerar enn einaferð, at uppflytararnir veruliga hava stórar ætlanir í vetur.
Vunnu seinna hálvleik
Í gjár var tó ikki alla tíðina so greitt, hvønn vegin tað skuldi bera. Fyri steðgin var Kyndil væl og virðiliga við í dystinum, og Tjaldur fekk sjáldan leysar teymar til at gera nakað sum helst.
Men hetta vendi fullkomuliga eftir steðgin. Tjaldur vann seinna hálvleik somikið greitt sum 10-4, og seinastu 20 minuttirnar av dystinum fekk heimaliðið bara tvey mál.
Sum ikki einaferð, so vóru tað útlendsku spælararnir hjá Tjaldri, sum ginu á odda við málskjótingini. Við Alinu Olaru og Adinu Petrea hevur Tjaldur tveir skjúttar av format, sum væl kunnu gera lívið trupult fyri allar verjur í landinum. Hinvegin er stóri spurningurin, hvussu breiddin í álopinum er, um hesar báðar verða steðgaðar.
Fakta um dystin
Kyndil-Tjaldur 15-22 (11-12)
10 min: 3-5
20 min: 9-8
40 min: 13-14
50 min: 13-18
Málskjúttar
Kyndil: Jacklin Durhuus 7(2), Marina Zilko 3, Halla Midjord 2, Rakul N. Joensen 2, Linda Johannesen 1
Tjaldur: Adina Petrea 8(1), Alina Olaru 6, Annika Thomsen 3, Jóhanna í Króki 2, Mary-Ann Isaksen 1, Benadikta Johannesen 1, Heidi Sevdal 1
Brotskøst: Kyndil 3, Tjaldur 1
Útvísingar: Kyndil 4, Tjaldur 2
Dómarar: Hanus Kúrberg & Hans Thomassen
