Klokkan 18 sunnudagin skulu kvinnurnar hjá H71 royna at vinna inn aftur leiðsluna spanska liðið, Atletico Guardes hevur frá fyrru Europa Cup áttandapartsfinaluni.
Atletico Guardes vann dystin 34-31. Tí má H71 vinna dystin í annaðkvøld við fýra málum, ella við einum trímálssigri sum hevur fleiri skotin mál enn 34-31, um hoyvíkskvinnur vilja vinna seg í fjórðingsfinalurnar.
Eingin veddingarfyritøka gav odds upp á fyrra dystin, ið var leiktur í dag.
Men nú hava so tríggjar altjóða veddingarfyritøkur odds upp á seinna dystin.
Veddingarfyritøkurnar, ComeOn, 10 Bet og 1xBet vænta allar, at Atletico Guardes eisini vinnur ta seinnu áttandapartsfinaluna á H71. Oddsini upp á sigur til Atletico Guardes liggja millum 1,25 og 1,28.
Oddsini upp á sigur til H71 liggja millum 4,82 og 5,00.
