Føroyingaliðið í Stavanger í næstbestu norsku hondbóltsdeildini, Ryger Stavanger vann í kvøld trygt 37-29 á Oslo-studentunum á útivølli.
Føroyingarnir hjá Ryger gjørdu aftur sítt í kvøld. Tróndur Mikkelsen gjørdist enn einaferð toppskjútti hjá Ryger, hesaferð víð átta málum. Julian J. Kragesteen skoraði trý mál fyri Ryger í kvøld.
Ryger er nummar fimm í deildini við 12 stigum. Tað eru bert tvey stig upp til nummar tvey, Sandefjord sum hevur 14 stig.
Sunnudagin 4. desember spælir Ryger á heimavølli móti Bergen.