Í eina tíð hevur verið arbeitt við at byggja henda stóra depilin í Skálavík, og nú er komið so langt, at hann verður tikin alment í nýtslu.
Hetta verður gjørt seinnapartin leygardagin, samstundis sum ein minnisvarði av Eileri Jacobsen verður avdúkaður.
Hátíðarhaldið byrjar kl. 14, tá borgarstjórin í Skálavík, Linjohn Christiansen, fyrrverandi tingmaðurin Óli Breckman og vinnulívsmaðurin Olaf Olsen halda røðu. Síðani verður minnisvarðin avdúkaður av Eileri, sum saman við konuni hevur latið frítíðar- og skeiðsdepilin byggja.
Aftaná hesa avdúkingina verður farið inn í sjálvan depilin, har fyrst landsstýrismaðurin í vinnumálum, Johan Dahl letur depilin alment upp, meðan einkjan eftir Eiler. Beinta H. Jacobsen klippir snórin.
Aftaná verður hátíðarhald við sangi, røðum og tónleiki í høllini, eins og fólk fáa høvið at hyggja nærri at deplinum.
