U18-manslandsliðið, ið eisini hevur U20-leikararnar, Aleksandar Lacok og Óla Mittún í hópinum fyrireikar seg til EM-endaspælið, ið verður í Montenegro fyrst í august.
Leygardagin og sunnudagin klokkan 15 spælir liðið venjingardystir móti Íslandi, ið eisini fyrireikar seg til U18 EM-endaspælið.
EM-endaspælið verður í Montenegro dagarnar 4. – 14. august, har Føroyar møta Svøríki, Spania og Fraklandi í innleiðandi bólkaspælinum.
Tað er ókeypis at vitja Hoyvíkshøllina til dystirnar í vikuskiftinum, og dystirnir kunnu eisini stroymast á live.hsf.fo.