U21 kvinnurnar bjóða teimum bestu av

Í gjár fór føroyska U21-landsliðið við kvinnum til Eysturríkis, har Føroyar fara at luttaka í EM-undankapping, sum verður 19.-21. mai.

 

Fýra lond eru í bólkinum, sum umframt Føroyar eru Eysturríki, Bulgaria og Ísrael. Tríggir aðrir bólkar eru, sum verða avgreiddir í Serbia, Póllandi, og Montenegro. Bólkavinnararnir og teir tríggir bestu tvey’ararnir fara beinleiðis víðari til sjálvt EM-endaspælið, sum verður í Italia 12. – 17. juli.

Hetta er fyrstu ferð at CEV, Evropeiska Flogbóltssamgongan, skipar fyri EM í U21 aldursbólkinum, men hetta er eisini fyrstu ferð, at eitt føroyskt landslið yvirhøvur er við í einari kapping hjá CEV, har møguleiki er at møta einum av teimum heilt sterku liðunum úr “stórapotti”. Hinar kappingarnar, Føroyar áður hava luttikið í, hóast tær hoyra undir CEV, hava verið avmarkaðar til bert at umfata smátjóðirnar í evropa, ella Norðurevropeiska økið, kallað NEVZA, sum eru norðanlond og Ongland.

Og tað er ikki hissini mótstøða, føroysku kvinnurnar hava fingið – serliga í Bulgaria, sum á A-landsliðsstigi er styrkismett sum nr. 9 í Evropa og nr. 15 í øllum heiminum. Besta úrslitið hjá U21-kvinnunum úr Bulgaria var í 2009, tá liðið gjørdist nr. 4 í HM-kappingini. Eysturríki er ikki heilt á sama stigi, sum Bulgaria, men framvegis ríkiliga gott. Kanska Føroyar skulu vænta sær besta úrslitið ímóti Ísrael, sum tó er greiður favorittur at vinna á Føroyum.

 

Føroyska U-21 landsliðið:

Janna Falkvard (SÍ)

Tóta Búadóttir (SÍ)

Milja Silvansdóttir (KÍF)

Emma Michala Sannino (Fleyr)

Anna Berg Arnholdsdóttir (Mjølnir)

Johanna Christiansdóttir (TB)

Henrikka Wang Jacobsen (Dráttur)

Helena Skylv Hansen (Fleyr)

Nicola Toftegaard (ÍF)

Brynja Jákupsdóttir (Fleyr)

Jakobina Joensen (KÍF)

Sofía Weihe Simonsen (SÍ)


Venjari: Lars Engell

Hjálparvenjari: Kristian Mikkelsen


Dystarskráin

19. mai kl. 15:00 Føroyar – Eysturríki

19. mai kl. 17:30 Bulgaria – Ísrael


20. mai kl. 15:00 Eysturríki – Ísrael

20. mai kl. 17:30 Føroyar – Bulgaria


21. mai kl. 15:00 Eysturríki – Bulgaria

21. mai kl. 17:30 Ísrael - Føroyar


Stroyming frá dystunum sæst á www.fbf.fo