Fyrsti forsetin í Ukraina, eftir at landið gjørdist sjálvstøðugt ríki, Leonid Kravtsjuk, er deyður, 88 ára gamal.
Tað skrivar borgarstjórin í Kyiv, Vitalij Klitsjko, á Telegram í dag.
- Í dag doyði fyrsti forseti landsins í sjálvstøðuga Ukraina, skrivar borgarstjórin, sum rósar manninum fyri, at hann var gávuríkur, sermerktur og hevði innlit og vitan.
Ukraina gjørdist sjálvstøðugt ríki, tá Sovjetsamveldið fór í upploysn í 1991, og Leonid Kravtsjuk var forseti landsins fram til 1994.
Leonid Kravtsjuk doyði í dag eftir drúgva sjúkralegu, siga keldur í familjuni hjá forsetanum við ukrainskar miðlar.
Saman við forseta Russlands, Boris Jeltsin og forsetanum í Hvítarusslandi, Stanislaw Sjusjkevitsj, skrivaði Leonid Kravtsjuk undir avtaluna sum upploysti Sovjetsamveldið.
##med2##
- Stanislaw Sjusjkevitsj gjørdist fyrsti forsetin í einum sjálvstøðugum Hvítarusslandi. Hann gjørdist 87 ára gamal og doyði hin 4. mai í ár, veit tíðindastovan NTB at siga.
