Ukraina hevur tikið av einum tilboð frá Danmark um, at ukrainskir hermenn kunnu venjast á danskari jørð. Tað sigur Morten Bødskov, verjumálaráðharri, við Ritzau úr ukrainska høvuðsstaðnum, Kyiv, har hann vitjar ukrainska verjumálaráðharran í dag.
– Tað verður við venjing í Danmark. Eg kann ikki koma nærri inn á smálutir í málinum, men tað snýr seg um venjing av ukrainskum hermonnum í Danmark, sigur Morten Bødskov.
Í august kom fram, at Danmark sendir 130 instrukørar til Bretlands í heyst fyri at verja ukrainskar hermenn.
Tá varð segði danski verjumálaráðharrin, at hann hevð boðið Ukraina,a t hermenn eisini kundu venjast á danskari jørð.
– Tað kann av yvirmonnum teirra – hernaðarleiðslu teirra, segði Bødskov 10. august.
Morten Bødskov vil í dag ikki greiða nærri rá, hvar í Danmark ukrainskir hermenn skulu venjast, hvussu nógvar tað snýr seg um, ella nær teir fyrstu koma.
Spurningur. Koma teir til Danmark í ár?
– Tað kann væl vera.
– Tað, sum vit ikki skulu misskilja er, at ukrainski herurin og serliga leiðslan í ukrainska herinum er sera væl skipað.
– Danmark er eitt av støðunum, har venjing verður, og tað eru onnur evropisk lond, sum eisini hava sett í verk tiltøk við venjingum, sigur Morten Bødskov.
Hann vísir á, at Danmark hevur »drúgvar royndir við venjing av ukrainska herinum«.
Tað var eitt nú gjørt í Ukraina frá 2015 fram til russisku innrásina 24. februar.
Danmark hevur eisini boðið Ukraina, at danska heimaverjan kann útbúgva og menna eina ukrainska heimaverju. Tað er framvegis samskifti um tað, verður sagt.
/ritzau/
