Tað ljóðar eitt sindur løgið, at ein fótbóltstjóð sum Skotland ikki hevur verið til eitt EM-endaspæl í 25 ár. Seinast var í 1996, tá EM var í Onglandi. Nú er Skotland aftur til eitt endaspæl, men tað var ikki uttan stríð.
Skotland bleiv nummar trý í bólkinum og skuldi síðani spæla móti fyrst Ísrael, og síðani Serbia, fyri at koma til endaspælið. Skotland vann báðar dystirnar eftir brotssparkskapping. Tí hevur vegurin til EM-endaspælið verið langur, men samstundis er liðið spælt væl saman.
Føroyar spældi móti Skotlandi á seinasta degnum í mars mánaði. Skotland vann sannførandi 4-0. Tá sóu vit eina av styrkinum hjá Skotlandi. Teir hava eina sterka vinstru síðu við Andy Robertson úr Liverpool og Kieran Tierney úr Arsenal. Skotland telur eisini ungar spælarar sum Scott McTominay úr Manchester United og Billy Gilmour úr Chelsea.
Samanlagt hevur Skotland eitt rímiliga gott landslið, men avbjóðingin er at skjóta mál. Her liggur nógv á Che Adams úr Southampton. Hann skoraði millum annað móti Føroyum. Taktiska greiningin av Skotlandi sigur, at teir eru best, tá teir vinna bóltin frá mótstøðuliðnum á teirra hálvu og fara í mótálop.
Skotland er í bólki saman við Onglandi, Kroatia og Kekkia. Ongland vann í gjár 1-0 á Kroatia. Hetta er als ikki nakar lættur bólkur og tað er ein vandi fyri, at skotar ikki fáa sítt dreyma endaspæl. Fyrimunurin liggur í at Skotland spælir tveir av dystunum í bólkaspælinum á heimavølli á Hampden Park.
Bólkur D:
Skotland – Kekkia (14.00)
Dómari: Daniel Siebert, Týskland
Leikvøllur: Hampden Park, Glasgow
Skotland (3-5-2): Gordon - Cooper, Hendry, Thierny - Forrest, Turnbull, McGregor, McTominay, Robertson - Christie, Adams
Hópurin hjá Skotlandi:
Málverjar:
Craig Gordon, Heart of Midlothian
David Marshall, Derby
Jon McLaughlin, Rangers
Verjuspælarar:
Liam Cooper, Leeds
Declan Gallagher, Motherwell
Grant Hanley, Norwich
Jack Hendry, Oostende
Scott McKenna, Aberdeen
Stephen O’Donnell, Motherwell
Nathan Patterson, Rangers
Andy Robertson, Liverpool
Kieran Tierney, Arsenal
Greg Taylor, Celtic
Miðvallarar:
Stuart Armstrong, Southampton
Ryan Christie, Celtic
Billy Gilmour, Chelsea
John McGinn, Aston Villa
Callum McGregor, Celtic
Scott McTominay, Manchester United
David Turnbull, Celtic
Áleyparar:
Ché Adams, Southampton
Lyndon Dykes, Queens Park Rangers
James Forrest, Celtic
Ryan Fraser, Newcastle
Kevin Nisbet, Hibernian