Nøkur partrolarapør fiska upsa og fáa eisini nakað av hjáveiði. Fiskiskapurin kundi verið betur, men skipini gera onkur góð hál. Trý pør fiska gulllaks.
- Ein djúpvatnstrolari er nýliga byrjaður túr, men ein annar, sum eisini ætlar sær avstað, hevur ikki loyst. Skipið, sum er til fiskiskap, fiskar svartkalva.
Á Fiskamarknaði Føroya vita tey at siga, at tríggir av teimum smáu trolbátunum eru á landleiðini, og allir eru norðanfyri. Ein trolbátur er vestanfyri.
- Teir, sum eru á landleiðini, fáa mest av flatfiski og nakað av toski. Trolbáturin, sum er vestan fyri, hevur blandaða veiði - tosk, hýsu, longu og nakað av flatfiski.
Væntandi koma allir trolbátarnir inn at landa miðskeiðis og síðst í næstu viku.
- Tvey garnaskip fiska svartkalva og hava hampiligan fiskiskap. Eitt garnaskip fiskar havtasku og hevur eisini brúkiligan fiskiskap, verður lagt aftrat.