Hvønn dag gerast fleiri enn 150.000 fólk smittað við covid-19 í USA, og í løtuni liggja fleiri enn 100.000 fólk á sjúkrahúsi við koronu.
Tað vísa tøl hjá Worldometer.
Seinastu vikuna hevur USA havt ein fjórðing av øllum teimum skrásettu covid-19 smittaðu í heiminum.
Soleiðis eru smittutølini í USA heldur daprari nú, enn tey vóru í august mánaði í fjør.
Í august mánaði í fjør vóru fólk ikki koppsett, og tá var eingin heilivágur. Nú er helmingurin av fólkinum koppsett, og kortini eru smittutølini størri.
Mikudagin í hesi vikuni lógu 100.317 fólk við covid-19 á sjúkrahúsum í USA.
Sambært amerikanska heilsuverkinum er talið av innløgdum í dag meira enn seks ferðir so stórt, sum tað var fyri níggjum vikum síðan.
##med2##