Tað er bara eitt ísfiskalínuskip til fiskiskap í løtuni, og skipið kemur helst inn at landa síðst í vikuni sum kemur.
- Tvey frystilínuskip eru í Eysturgrønlandi, og tvey eru undir Føroyum, vita tey á Fiskamarknaði Føroya at siga í dag.
Soleiðis er ikki nógvur línufiskiskapur í løtuni undir Føroyum.
Streymurin verður hampiligur alla næstu viku, og veðrið verður helst eisini brúkiligt til útróður.
- Tískil rokna vit við, at nakað verður av útróðri. Fiskiskapurin við línu er einki serligur, men útróðrarbátar, sum fiska við snellu, fáa nakað av upsa, verður lagt aftrat.