Í hesum døgum eru Allan Norðberg og liðfelagarnir í Vali staddir í Litava fyri at spæla tveir dystir í fyrsta umfarinum í Europa Cup kappingini móti Granitas-Karys.
Seinnapartin hava liðini spælt fyrra dystin, ið tekniskt var heimadysturin hjá Vali.
Valur vann dystin 27-24. Í steðginum var Valur á odda 14-9.
Allan gjørdist saman við trimum øðrum leikarum hjá Vali, Ísaki Gustafssyni, Viktor Sigurðssyni og Úlfar Thorðarssyni toppskjútti við fýra málum.
Í morgin klokkan 12 spæla liðini seinna dystin.
