Jóan Símun Edmundsson slapp á vøllin tá 55 minuttir vóru farnir av heimadystinum hjá Waasland Beveren móti Mouscron í næstbestu belgisku fótbóltsdeildini.
Tá hevði Mouscron stutt frammanundan lagt seg á odda við einum brotssparki. Fáar minuttir aftaná Jóan Símun kom á vøllin økti Mouscron til 2-0.
Í 69. minutti fekk Jóan Símun eina góða sending inn í brotsteiginum, men ólukkutíð stútaði Jóan Símun bóltin framvið málinum.
Waasland Beveren er næstfremst í deildini við 17 stigum. Sjey stig eru upp til oddaliðið, Westerlo sum hevur 24 stig.
Komandi fríggjakvøld spælir Waasland Beveren á útivølli móti Virton, ið liggur næstaftast í deildini við 12 stigum.
HER ber til at síggja hæddarpunktini og stóra málmøguleikan hjá Jóan Símuni:
##med2##