HER ber til at síggja sigursmálið Olaf Bárðarson skoraði í 1-0 EM-undankappingardystinum móti Andorra á útivølli.
Tá ein hálvur tími var farin gagnnýtti Olaf Bárðarson eitt mistak í verjuni hjá Andorra.
Jørgen Nielsen hevði ein gyltan møguleika at økja til 2-0, men hann tók ikki av.
Tað eydnaðist okkara monnum at halda Andorra frá tí mesta.
Føroyska U21-landsliðið hevur nú sjey stig fyri fýra dystir, ið er ein flott byrjan upp á undankappingina.
Í okkara bólki, bólki G vann Portugal 2-0 (1-0) á Grikkalandi. Fyrr í dag vann Kroatia 2-0 (1-0) á Belarus.
Portugal er oddalið 12 stigum. Kroatia og Føroyar hava sjey stig, Grikkaland hevur fimm stig, Belarus og Andorra hava trý stig hvør.
16. november spæla Føroyar móti Grikkalandi á útivølli.
