37 tjóðir kappast í ársins altjóða sangkapping, Eurovision, og tí verður kappast í tveimum hálvfinalum.
Danmark skal stríðast fyri sínum plássi í kvøld.
* Í fyrru hálvfinaluni kappaðust 15 lond um 10 pláss.
* Tá slapp Kroatia, sum verður mett sum møguligur vinnari, víðari.
* 16 lond – teirra millum Danmark, sum Saba umboðar, og sum syngur sangin »Sand« – stríðast um tey síðstu 10 plássini.
* Líka mikið um Danmark vinnur ella ikki – so verða danir við í finaluni. Tí sangarin úr Kýpros, Silia Kapsis, hevur fýra danir saman við sær.
* Eisini Ísrael skal syngja í seinnu hálvfinaluni.
* Luttøkan hjá Ísrael hevur skapt vreið vegna kríggið í Gaza. Ísrael fór í mótálop eftir at vápnaða palestinska rørslan Hamas leyp á Ísrael í oktober og hevur bumbað síðani.
* Atfinnarar skilja ikki, hvussu Ísrael kann luttaka, tá Russland og Hvítarussland eru útihýst. European Broadcasting Union (EBU), sum skipar fyri Eurovision, hevur sagt, at Eurovision er ein kapping millum public service veitarar og ikki stjórnir.
* Ísraelski luttakarin, Eden Golan, skal framføra lagið »Hurricane«.
* »Hurricane« hevði upprunaliga annað heiti. Men EBU metti, at upprunaliga heitið, »October Rain«, og partur av tekstini vór politiskt og sipaði til álopið hjá Hamas ímóti Ísrael 7. oktober.
* Ísrael játtaði at broyta heitið og partin av tekstinum fyri at kunna luttaka í Eurovision.
Keldur: eurovision.tv, Ritzau.
/ritzau/
