Kanadisku myndugleikarnir hava nú sett iransku kollveltingarhirðuna á sín lista yvir yvirgangsbólkar.
Samstundis heitir Kanada á sínar borgarar í Iran um at fara úr landinum.
- Stjórn okkara hevur gjørt av at lýsa kollveltingarhirðuna sum yvirgangseind undir kanadisku revsilógini.
Tað sigur kanadiski ráðharrin fyri almennari trygd, Dominic LeBloanc, á tíðindafundi í Ottawa í dag.
Iranska kollveltingarhirðin stendur longu á lista hjá USA sum yvirgangsfelagsskapur.
Tað var í 1979, at kollveltingarhirðin varð skipað í Iran, og endamálið var at verja prestastýrið í landinum.
Iranska kollveltingarhirðin hevur eftirlitið við rakettskránni hjá Iran. Hon hevur egnan her, sjóverju, hernaðarflogfør og fregnartænastu.
- Kollveltingarhirðin hevur eisini eftirlit við illa gitna herliðnum, sonevndu Basij-militsuni í Iran, veit tíðindastovan NTB at siga í kvøld.