Ein spíring
Mað(k)ur er listarliga navnið hjá tónleikara Sølva Næs Hoydal, sum í dag útgevur eitt staklag frá komandi frumheildarútgávu síni, ‘Endurspíring'. Við natúrliga, ráa og inniliga tónleikinum sum ambo, skapar Mað(k)ur sínar søgur.
Frá hjartabankandi ótta til dreymakenda friðsælu
Lagið, ‘Eg eri urt’, er um stúranina í ókendari støðu. Tá tú mást góðtaka at alt rundanum teg broytist, hóast tú ei megnar at skilja tað. Ein samstundis deilig og óhugnalig kensla. Mað(k)ur tekur lurtaran á eina ferð frá hjartabankandi ótta til dreymakenda friðsælu.
Heildarútgávan 'Endurspíring' verður útgivin umvegis plátufelagið Tutl.
##med2##
