Um vikuskiftið er níggjunda umfar í landskappingini hjá kvinnum á skrá.
Higartil í ár hevur tað ofta verið talan um stórar sigrar, og soleiðis kann tað væl fara at vera í morgin, tá ið Víkingur, HB og B36 eiga heimadystir ímóti teimum trimum, ið eru niðast á støðutalvuni.
Seinnapartin í dag verður heilt spennandi landskappingardystur við Løkina í Runavík. NSÍ, sum hevur 17 stig, fær vitjan av oddaliðnum KÍ. Fleirfalda meistaraliðið úr Klaksvík er topplið við 22 stigum.
Mikudagin vóru fjórðingsfinalurnar í steypakappingini, og tá vann NSÍ á heimavølli 3-1 ímóti KÍ. NSÍ var frammanfyri 2-0 í fyrra hálvleiki.
Í fjør vann NSÍ eftir longda leiktíð steypafinaluna 2-1 ímóti KÍ. Í landskappingini hava liðini dystast einaferð fyrr í ár. Tað var 17. apríl, tá ið KÍ í øðrum umfari og á heimavølli vann 4-1.
Í dag
NSÍ – KÍ: Andras Frederiksberg kl. 16.00
Í morgin
Víkingur – FC Hoyvík: Gunnar Christiansen kl. 15.00
HB – Skála: Nicusor Cristian Matica kl. 12.15
B36 – TB/FCS/Royn: Bogi J. Petersen kl. 15.00
KÍ | 8 | 7 | 1 | 0 | 54 | 3 | 22 |
Víkingur | 8 | 6 | 2 | 0 | 43 | 2 | 20 |
NSÍ | 8 | 5 | 2 | 1 | 51 | 8 | 17 |
HB | 8 | 4 | 1 | 3 | 30 | 9 | 13 |
B36 | 8 | 3 | 0 | 5 | 21 | 21 | 9 |
TB/FCS/Royn | 8 | 2 | 0 | 6 | 7 | 47 | 6 |
FC Hoyvík | 8 | 1 | 1 | 6 | 3 | 64 | 4 |
Skála | 8 | 0 | 1 | 7 | 3 | 58 | 1 |