Eitt russiskt bumbuflogfar av slagnum Su-34 er í dag dottið niður í Kaukasus. Tað hendi undir eini vanligari venjing og orsøkin er sannlíkt ein tekniskur feilur.
Tað sigur russiska verjumálaráðið í ríkistíðindastovuni RIA.
Øll umborð á flogfarinum lótu lív, verður sagt.
– Í lýðveldinum Norðurossetian-Alania, í einum fjallalendi, datt eitt Wu-34 hjá russisku loftdeildunum undir eini vanligari royndarflúgving, sigur verjumálaráðið sambært RIA.
– Flogfarið datt niður í einum økið langt burtur. Øll umborð eru deyð, verður sagt.
Tað er ikki greitt, hvussu nógv vóru umborð á flogfarinum, men sambært Forbes eru tvey setur í flogfarinum.
Su-34 flogførini eru millum tey mest nýtímans bumbuflogførum hjá Russlandi – og harvið týdningarmikil fyri russiska krígsførslu.
Ukraina segði seg seinast í apríl sambært BBC at hava rakt og oyðilagt seks russisk stríðsflogfør, sum stóðu á eini hernaðarstøð í syðra Russlandi í økinum Rostov.
Keldur upplýstu tá fyri BBC, at støðin hýsti flogførum av bæði slagnum Su-27 og Su-34, sum verða brúkt á hermótinum í Ukraina.
Ukrainksi herurin segði í desember, at hann hevði skotið niður trý russisk bumbuflogfør í sygra partinum av Russlandi – eiini av slagnum Su-34.
/ritzau/Reuters