Á jóansøku í ár verður ein stór jóansøkukonsert á økinum við Gamla skúla í Vági.
Leygarkvøldið á jóansøku, tann 22. juni, verður ein tónleikakonsert vesturi á økinum við Gamla skúla. Á pallinum fara Vágaverk, Frændur og Páll Finnur Páll at framføra.
Jóansøkukonsertin byrjar á miðnátt og tað er ókeypis at koma inn á økið.
Umframt tónleik, so fara ítróttarfeløgini at hava ymsar sølubásar á økinum og skeinkistaðið Hjá Jugga, ið liggur tætt við, hevur opið, skrivar vagur.fo.