##FM1## - Vit vildu vinna hetta steypið sum KÍ ikki hevur vunnið áður, og vit vóru ógvuliga motiveraðir. Hetta sigur Jákup Biskopstø Andreasen, liðskipari hjá KÍ aftaná samlaða 6-5 sigurin á HB í Stórsteypadystinum á Tórsvølli. Adrian Justinussen legði HB á odda 1-0 við einum sera flottum langsskotsmáli í vanligu leiktíðini, men hann gjørdist tann einasti av teimum 10 brotssparksskjúttunum sum brendi í brotssparkskappingini, og tað sendi Stórsteypið til Klaksvíkar: - Tíverri valdi Kristian Joensen somu síðu sum eg, sigur Adrian Justinussen og ergrar seg.

Á ljóðfíluni omanfyri ber til at hoyra samrøðurnar Tróndur Arge, reportari hjá FM1 gjørdi við Jákup Biskopstø Andreasen og Adrian Justinussen aftaná dystin. 

HER  ber til at hoyra Trónd Arge siga frá hæddarpunktunum í dystinum. Heðin Askham var viðmerkjari til dystarfrásøgnina.  ##ms##