info
Ongi úrslit

Rúnarsteinur er funnin í útgrevstri á Sondum á Sandi

Tjóðsavnið stendur fyri útgrevstrinum á Sondum á Sandi, sum verður gjørdur í samstarv við Aarhus Universitet og Moesgaard Museum

Tjóðsavnið
22. juli 2026 kl. 22:45

Í fornfrøðiliga útgrevstrinum á Sondum á Sandi komu fólk frá Tjóðsavninum í vikuni fram á ein rúnarstein. Rúnarsteinurin lá í gólvinum í einum bygningi, sum er givin fram í fornfrøðiliga útgrevstrinum í summar.

Tað er sjáldsamt, at ein rúnarsteinur verður funnin í Føroyum. Fornfrøðingarnir á Tjóðsavninum halda seg kunna lesa nakrar av rúnunum, men fyri at fáa so nógva vitan sum gjørligt um rúnarsteinin, hava tey vent sær til ein rúnufrøðing, sum kemur til Føroyar síðst í august at kanna rúnarsteinin nærri.

Rúnarsteinurin er viðbrekin, nú hann er komin undan kavi, og fyri at verja rúnarsteinin, verður hann fluttur av grevstrinum á Tjóðsavnið.

Millum aðrar fornlutir, sum eru funnir í útgrevstrinum á Sondum í summar, eru brot av einari lítlari standmynd av Mariu moy við Jesusbarninum, og ein kola, sum er ein lítil lýsi- ella oljulampa.

Fornlutirnir kunnu hava samband við kristna trúgv og átrúnaðarligt virksemi á staðnum, og hildið verður, at bygningurin, ið er grivin fram, møguliga er eitt bønhús úr miðøld.

Bygningurin vendir eystur og vestur, og hevur inngongd í vesturendanum. Hesi byggilistarligu eyðkenni eru vanlig í miðaldarligum bønhúsum og kapellum. Føroysk dømi um eystur og vesturvend bønhús við inngongd í vesturendanum eru bønhúsið á Bønhúsbergi í Mykinesi, Bønhústoft í Leirvík og toftin niðri á Bakka á Velbastað.

Tjóðsavnið heldur fram við útgrevstrinum til síðst í august.

Sandingar og onnur áhugað eru vælkomin at vitja útgrevsturin, meðan arbeitt verður. Tá ið umstøðurnar loyva tí, greiða fornfrøðingarnir fegnir frá útgrevstrinum og teimum fornleivdum, sum eru komnar undan kavi. Vitjandi verða tó vinarliga biðin um ikki at fara niður í sjálvt grevstrarfeltið. Fornleivdirnar eru viðbreknar og kunnu lættliga fáa skaða.

Tjóðsavnið stendur fyri útgrevstrinum á Sondum á Sandi, sum verður gjørdur í samstarv við Aarhus Universitet og Moesgaard Museum. Fornfrøðilesandi frá Aarhus Universitet hava í summar og síðsta summar luttikið í útgrevstrinum sum liður í útbúgving teirra. Smyril Line stuðlaði ferðini.

Myndin er ikki tøk

Maria og Jesusbarnið standmynd. Mynd: Helgi Michelsen

 

Myndin er ikki tøk

Útgrevstrarfeltið á Sondum. Mynd: Helgi Michelsen

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Aksel ger útlendskt øl dýrari

9. november kl. 23:20

Løgmaður takkað nei til at hitta Zelenskyj

10. november kl. 13:35

Sosialurin hevur nú sítt egna »Tíðarrit«

8 tímar síðan

Nýggj nevnd í Læknafelag Føroya

11. november kl. 13:05

Fleiri tíðindi

Fótbóltur

VIDEO: Drúgv samrøða við David Geza Turi

1 tími síðan
Fótbóltur

Landsliðs­venjar­in: Ein sera týð­andi dyst­ur við bara ein­um vinnara

1 tími síðan
Hondbóltur

Julian Kragesteen vann á Kjartani Johansen

2 tímar síðan
Tíðindi

Centerpartiet fer at samráðast víðari við Andersson

2 tímar síðan
Hondbóltur

Stjarnan knógvaði ein javnleik á útivølli

2 tímar síðan
Fótbóltur

Nations League: Fyrsta tapið hjá Spania í 43 dystum

3 tímar síðan
Tíðindi

U20-HM í íshokki verður uttan Russland hóast CAS-dóm

3 tímar síðan
Tíðindi

B71 gentur vunnu stóra flogbóltskapping í Danmark

3 tímar síðan
Hondbóltur

Liðið hjá Vilhelmi tapti á útivølli

4 tímar síðan
Tíðindi
Haldaragrein

Tey halda okkum vera keyptar

4 tímar síðan
Hondbóltur

Burn: Havnarliðini deildu stigini - H71 vann stórsigur á StÍF

4 tímar síðan
Tíðindi

Tryggjar skúlin stættasamfelagið?

4 tímar síðan