info
Ongi úrslit
© Lipo Ching/EPA/Ritzau Scanpix
Tim Cook, stjóri í Apple, talar á mennararáðstevnuni WWDC26 í Apple Park í Cupertino í Kalifornia 8. juni 2026.

Íslendingar krevja ís­lenskt mál í iPhone og Mac

Íslendska stjórnin og fleiri íslendskir málfelagsskapir leggja nú trýst á amerikanska tøknirisan Apple fyri at fáa íslenskt mál inn í iPhone, Mac og aðrar Apple-skipanir. Málið er eisini áhugavert fyri føroyskt, sum stendur við líknandi avbjóðingum.

Eirikur Lindenskov
17. november 2026 kl. 17:23

Íslendingar hava fingið nóg mikið av, at Apple ikki bjóðar íslenskt mál í sínum stýriskipanum og talgildum tænastum.

Á íslendska móðurmálsdegnum, sum var í gjár, settu íslendska máltøknimiðstøðin Almannarómur og Íslandsstofa saman við íslendsku stjórnini eina nýggja herferð í verk.

Endamálið er at fáa Apple at taka íslenskt við sum eitt av málunum í sínum tólum og skipanum.

Tað skrivar Morgunblaðið.

Herferðin hevur heitið „Tryggjum íslenskunni framtíð í tøkni“, og almenningurin verður eggjaður til at skriva undir eina áheitan á Apple.

Hevur verið trupult at fáa samband við Apple

Óttar Kolbeinsson Proppé, sum arbeiðir við altjóða viðurskiftum hjá Almannarómi, sigur við Morgunblaðið, at tað hevur verið óvanliga trupult at fáa samband við Apple.

Íslendskir ráðharrar hava áður skrivað til fyritøkuna og biðið um, at íslenskt verður tikið við í skipanirnar, men uttan stórvegis úrslit.

Sambært honum er Apple ein av teimum fáu stóru tøknifyritøkunum, sum enn ikki hava tikið íslenskt við í sínar loysnir.

Bæði stýriskipanirnar hjá Apple og talgildi hjálparin Siri mangla framvegis íslenskt mál.

Fingu samband við Microsoft gjøgnum krimihøvund

Óttar Kolbeinsson Proppé greiðir eisini frá einum heldur serligum dømi um, hvussu íslendingar hava arbeitt fyri at fáa samband við stóru tøknifyritøkurnar.

Tá tey royndu at fáa samband við Microsoft, eydnaðist tað at finna ein leiðara í fyritøkuni, sum var stórur fjeppari av íslendska krimihøvundinum Arnald Indriðason.

Íslendingarnir góvu honum allar bøkurnar hjá høvundinum við undirskrift.

Hetta hjálpti teimum at fáa samband við rætta viðkomandi í Microsoft.

Men við Apple hevur tað verið nógv truplari.

Óttast fyri framtíðini hjá málinum

Íslendski mentanar-, nýskapanar- og hægri útbúgvingarráðharrin, Logi Einarsson, er eisini við í herferðini.

Hann heldur, at tað hevur stóran týdning fyri framtíðina hjá íslendskum, at málið verður tøkt í nýggjastu tøknini.

Íslendingar vilja millum annað hava møguleika at brúka telefonir, teldur og talgildar hjálparar á egnum máli.

Endamálið við herferðini er bæði at leggja trýst á Apple og at vísa altjóða tøknifyritøkum, hvørjar máltøkniligar loysnir íslendingar longu hava ment.

Eisini áhugavert fyri føroyskt

Støðan í Íslandi minnir um avbjóðingarnar hjá føroyskum.

Føroyskt er heldur ikki millum málini, sum kunnu veljast sum brúkaramál í stýriskipanini á iPhone, og Siri er heldur ikki tøk á føroyskum.

Tí er íslendska átakið eisini áhugavert úr føroyskum sjónarhorni.

Spurningurin er, um Føroyar kunnu læra av íslendska arbeiðinum og samstarva við íslendskar málmyndugleikar um at fáa smáu norðurlendsku málini betur umboðað í talgildu skipanunum hjá stóru tøknifyritøkunum.

Íslendingar vóna, at ein stór undirskriftainnsavning kann fáa Apple at taka málið í størri álvara.

Kelda: Morgunblaðið.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Sosialurin hevur nú sítt egna »Tíðarrit«

15. november kl. 17:38

Nýggj nevnd í Læknafelag Føroya

11. november kl. 13:05

Hvør lutur verður gjørdur við stórum nærlagni

13. november kl. 08:07

Fleiri tíðindi

Hondbóltur

VIDEO: Síggj Bjarna skjóta góð mál í EHF European League

3 minuttir síðan
Fótbóltur

Nations League: Portugal tryggjaði sær fyrsta plássið

6 tímar síðan
Tíðindi

Jenis: 42 høvdu hjá­árin eft­ir koronu­kopp­seting

7 tímar síðan
Tíðindi

21 atkvøddu ímóti at yvirtaka løgregluna

8 tímar síðan
Ítróttur

FM í skúlatalvi: Skúl­in á Fløt­um vann fyrsta dag­in í FM í skúlatalvi

8 tímar síðan
Fótbóltur

Haaland av­gjørdi í yvir­tíð­ini – Dan­mark skal spæla um at varð­veita plássið

8 tímar síðan
Hondbóltur

EHF European League: Mors-Thy var fyri stórtapi í Slovenia

8 tímar síðan
Fótbóltur

Nations League: Leggja fyri móti Ísrael á útivølli

9 tímar síðan
Hondbóltur

European League: Valur og TTH Holstebro taptu

9 tímar síðan
Fótbóltur

U19-landsliðið tapti eisini triðja dystin

10 tímar síðan
Tíðindi

Psykiatriski depilin flytir í H-bygninginum

12 tímar síðan
Tíðindi

Bara fýra atkvøður fyri at avmarka stutttíðarleigu

14 tímar síðan