Hesi liðini manna fjórðingsfinalurnar í Nations League: Frakland, Belgia, Týskland, Niðurlond, Ongland, Spania, Portugal og Noreg.
Portugal tryggjaði sær mánakvøldið bólkasigurin í bólki 4 í deild A. Tað gjørdu teir við 3-2 útisigri á Wales, ið annars var á odda 2-1. Í sama bólki tryggjaði Noreg sær annað plássið, og harvið eisini rættin at spæla fjórðingsfinalu, tá teir vendu hóttandi 0-2 tapi í Parkini til 3-2 sigur, ið Erling B. Haaland tryggjaði teimum heilt móti dystarenda.
Í bólki 3 í deild B tók Írland annað plássið frá Kosovo, tá teir við 3-0 heimasigri á júst Kosovo tryggjaði sær røkk støkk dystir til deild A.
HER eru úrslitini og málskjúttarnir, umframt støðurnar:
Deild A bólkur 4:
Danmark-Noreg
1-0 Rasmus Højlund ('11 )
2-0 Pierre-Emile Højbjerg ('14 )
2-1 Erling B. Haaland ('37 )
2-2 Martin Ødegaard ('83 )
2-3 Erling B. Haaland, br. ('90+)
Wales-Portugal 2-3 (2-1)
0-1 Bruno Fernandes ('11 )
1-1 David Brooks ('13 )
2-1 Sorba Thomas ('40 )
2-2 Pedro Neto ('43 )
2-3 Carlos Forbs ('70 )
Portugal vinnur bólkin við 15 stigum. Noreg og Danmark hava níggju stig hvør, men av tí, at Noreg vann báðar dystirnar á Danmark eru teir betri innanhýsis. Wales endaði aftast í bólkinum við trimum stigum.
--
Deild B bólkur 2:
Ungarn-Norðurírland 1-1 (1-0)
1-0 Barnabas Varga ('35 )
1-1 Justin Devenny ('65 )
Ukraina-Georgia 1-0 (1-0)
1-0 Danylo Sikan ('1 )
Norðurírland vinnur bólkin við 12 stigum, og teir flyta upp í deild A. Ungarn endar á øðrum plássinum við 11 stigum, og teir skulu spæla røkk støkk dystir um uppflyting. Ukraina hevur sjey stig, og Georgia er aftast í bólkinum við tveimum stigum.
Deild B bólkur 3:
Ísrael-Eysturríki 1-1 (1-0)
1-0 Dor Peretz ('36 )
1-1 Sasa Kalajdzic ('62 )
Írland-Kosovo 3-0 (1-0)
1-0 Troy Parrott, br. ('28 )
2-0 Troy Parrott, br. ('50 )
3-0 Jack Moylan ('75 )
Eysturríki vinnur bólkin við 12 stigum, og teir flyta upp í deild A. Írland endar á øðrum plássinum við átta stigum, og teir skulu spæla røkk støkk dystir um uppflyting. Kosovo hevur seks stig, og Ísrael er aftast í bólkinum við fýra stigum.
Deild B bólkur 4:
Pólland-Svøríki 1-1 (1-1)
1-0 Adrian Benedyczak ('16 )
1-1 Hugo Larsson ('24 )
Bosnia Hersegovina-Rumenia 2-1 (1-1)
0-1 Daniel Birligea ('6 )
1-1 Benjamin Tahirovic ('44 )
2-1 Esmir Bajraktarevic ('82 )
Svøríki vinnur bólkin við 14 stigum, og teir flyta upp í deild A. Bosnia Hersogovina endar á øðrum plássinum, við 11 stigum, og teir skulu spæla røkk støkk dystir um uppflyting. Pólland hevur fimm stig, og Rumenia endar aftast í bólkinum við trimum stigum.
Í røkk støkk dystunum síðst í mars um rættin at spæla í deild B í komandi Nations League kapping skulu Føroyar spæla móti antin Rumenia, Ísrael, Georgia ella Norðurmakedonia.