Nú sær tað út til at vera heilt víst, at fyrsti FM kappróðurin verður leygardagin, tá ið tað verður fjarðastevna á Skála.
Áhugin at rógva kapp er so stórur, sum hann ongantíð áður hevur verið. Tilsaman hava 107 manningar boðað frá luttøku. Av teimum eru 46 barnamanningar.
Lagt verður fyri klokkan 12.35, tá ið skotið verður fyri startinum av fyrra riðlinum í barnakappingini hjá gentum. Og um tað fer at ganga soleiðis, sum tað er lagt til rættis, so verður síðsta startskotið klokkan 17.45. Síðsta kappingin verður millum 5-mannafør við dreingjum.
Lutakastið hevur verið, og tað sæst á heimasíðuni hjá Róðrarsambandinum, hvørjir bátar fara at taka lut, og í hvørji røð teir liggja
https://rsf.fo/startrodin-a-fjardastevna-a-skala-tann-12-juni-2021/
Kappast verður soleiðis
Flaggtíð | ||
Kl. 12.30 | Barnaróður gentur riðil 1 | 11 |
Kl. 12.45 | Barnaróður gentur riðil 2 | 10 |
Kl. 13.15 | Barnaróður dreingir riðil 1 | 13 |
Kl. 13.30 | Barnaróður dreingir riðil 2 | 12 |
Kl. 14.15 | Barnaróður gentur finala | 10 |
Kl. 14.45 | Barnaróður dreingir finala | 10 |
Kl. 15.10 | 6-mannafør kvinnur | 5 |
Kl. 15.50 | 5-mannafør kvinnur | 13 |
Kl. 16.05 | 6-mannafør menn | 9 |
Kl. 16.45 | 5-mannafør gentur | 15 |
Kl. 17.05 | 8-mannafør | 5 |
Kl. 17.20 | 10-mannafør | 3 |
Kl. 17.40 | 5-mannafør dreingir | 14 |