Í minsta lagi 21 fólk eru deyð í ógvusligum regni og torusláttri í útnyrðingspartinum av Pakistan.
Tað upplýsa myndugleikarnir í landinum, og tað er tíðindastovan NTB, sum endurgevur.
Deyðsføll og oyðilegging eru fráboðað í økjunum, Karak, Bannu og Lakki Marwat.
Keldan er Taimur Ali, sum er talsmaður fyri kreppuátakið í regiónini.
Sambært átaksmanninum fer talið av deyðum helst at veksa.
Í síðsta mánaði doyðu tíggjutals fólk av skalvalopi í ógvusligum kavaveðri í sama øki.
Tíðindastovan NTB veit at siga, at kavaveður er óvanligt á hesum leiðum hesa tíðina av árinum.
