Meðan 2000 tey ríkastu fólkini í heiminum blivu 12 prosent ríkari í 2018, bleiv tann fátækasti helmingurin av heimsins íbúgvum 11 prosent fátækari. Tað vísir ein nýggj rapport frá menningarfelagsskapinum Oxfam Ibis.
Rapportin kemur í sambandi við, at leiðarar frá øllum heiminum hesa vikuna hittast á árliga tiltakinum World Economic Forum, sum verður í Davos í Sveits. Í rapportini skrivar Oxfam Ibis, at 26 fólk í dag eiga tað sama, sum fátækasti helmingurin av heimsins íbúgvum.
Menningarfelagsskapurin vísur á, at tiltøk eiga at setast í verk fyri at tryggja, at tey ríkastu rinda tann skatt, sum tey eiga.
- Vit mugu berjast ímóti, at tey allar ríkastu sleppa undan skatti, og vit mugu seta inn móti skattaskjólum. Hetta ávirkar heilsuskipanir og útbúgvingarskipanir í fleiri londum, sigur aðalskrivarin í Oxfam Ibis Kristian Weise, sambært Ritzau.
- Ein eyka skattur á 0.5 prosent vildi viðført, at 250 milliónir børn sleppa í skúla, sigur hann.
Hóast eina afturgongd í samlaðu peningaligu viðurskiftunum hjá heimsins fátækastu helvt, so eru tað færri, sum liva undir fátækamarkinum í dag.
/ritzau/
