Landsins strangasti dómur varð í dag sagdur í Rættinum í Næstved.
- Ákærdi Philip Patrick Westh er revsaður við lívsfongsling, segði dómarin Bo Rasmussen.
Philip West er dømdur í Korsør-málinum, sum snýr seg um drápið á 17 ára gomlu Emilie Meng og um álvarslig kynslig brotsverk móti tveimum øðrum tannáringagentum.
Hann er sostatt ein seriubrotsmaður, sum legðist eftir ungum ofrum - í aldrinum 13, 15 og 17 ár - og hann er dømdur fyri langtíðar frælsistøku og harðliga neyðtøku ella neyðtøkuroynd av øllum trimum gentunum.
Harumframt er hann dømdur fyri millum annað at royna at drepa ta 13 ára gomlu og fyri at hava dripið Emilie Meng.
Tað vóru bara nøkur av brotsverkunum móti tí 13 ára gamla, sum hann viðurkendi.
Hann noktaði at hava nakað við hini málini at gera, men ein samd dómsnevnd kom til, at tað prógvaði uttan nakran rímiligan iva, at hann var sekur í teimum mongu misnýtslunum.
Verjin hjá 33 ára gamla kvinnuni, Karina Skou, hevði longu undan dóminum boðað frá, at tað fór at verða kært.
- Dómurin er kærdur við áheitan um frídøming í ikki viðurkenda førinum. Í øðrum føri um mildari dóm, sigur hon.
Tey bæði offrini hjá manninum, sum enn eru á lívi, vóru við til dómin, har tey sótu í áhoyraraplássinum. Tann nú dømdi maðurin var harafturímóti ikki í rættinum.
Hann bað undan døgurðasteðginum um ikki at vera til staðar, tá dómurin móti honum varð sagdur, og formaðurin játtaði.
/ritzau/
