Ein ógvusligur sandstormur herjar kinesiska høvuðsstaðin, Beijing.
Myndugleikarnir í landinum upplýsa, at 409 miljónir fólk eru rakt.
Sagt verður, at luftgóðskuindeksið er á 1300, sum er omanfyri øll markvirði.
Sambært NTB verður luftin søgd at vera heilsuskaðilig longu á indeksinum 150.
Ógvusligi sandstormurin ger, at sýnið í økinum er niður í nakrar tíggjutals metrar.
Longu higartil í ár eru norðari partur av Kina raktur av fleiri sandstormum enn miðal fyri árið seinastu árini.
Tað upplýsir kinesiski veðurstovnurin í dag.
