Í kvøld høvdu Teis Horn Rasmussen og liðfelagarnir í Aarhus møguleikan at tryggja sær rættin at spæla dystir um uppflyting móti einum liði úr bestu donsku hondbóltsdeildini.
Um Aarhus vann á Skive á útivøllli í kvøld var tann rætturin tryggjaður. Aarhus var eisini leingi á sigurskós í Skive. Aarhus var á odda 16-14 í steðginum, og teir vóru á odda til 45 minuttir vóru leiktir av dystinum. Men seinasta korterið av dystinum var Skive omaná, og tað endaði við 33-29 sigri til Skive. Teis skoraði fimm mál í dystinum.
Støðan í samlaðu uppgerðini er nú javnleikur 1-1. Triði og avgerandi dysturin verður leiktur í Aarhus komandi fríggjakvøld klokkan 18.
Samlaði vinnarin møtir aftasta liðnum í niðurflytingarbólkinum í bestu deildini. Í løtuni er tað Grindsted, ið liggur á tí plássinum.
