AC Horsens boðar frá, at felagið hevur keypt fyrrverandi B36 og HB spælaran Sebastian Pingel frá Adriani Justinussen og Hillerød, sum eisini hevur fingið Daniel Johansen í hópin.
31 ára gamli Sebastian Pingel, sum frá 2016 til 2021 spældi í Gundadali, hevur skottið 18 mál fyri Hillerød seinasta árið. Hann hevur klárað seg væl saman við Adriani Justinussen, men nú verða teir kappingarneytar í næstbestu deildini í Danmark.
Hillerød boðar frá, at AC Horsens hevur boðið somikið av pengum, at tað røkkur til ásetingina í sáttmálanum hjá Sebastian Pingel. Tí hevur Hillerød ongan kjans at steðga flytingini. Sebastian Pingel og stórsatsandi AC Horsens hava gjørt sáttmála fram til 2026.
