Í nátt vórðu tvær dronu brúktar í einum álopi á russiska høvuðsstaðin, Moskva.
Tað upplýsir borgarstjórin í Moskva, Sergej Sobjanin, á boðtænastuni Telegram.
– Ukrainskar dronur lupu á í nátt. Tveir skrivstovubygningar hava fingið nakað av skaða. Tað er eingin fólkaskaði, skrivar hann.
Tað er eftir øllum at døma triðja dronuálopið á Moskva seinastu vikuna.
Mánadagin upplýsti Russlandi, at tað vóru ukrainskar dronur yvir landinum. Her var ein drona skotin niður, meðna hinar flugu inn í ein skrivstovubygning í Moskva.
Leivdirnar av dronunum vóru eisini funnar nærindis verjumálaráðnum – vara ein kilometur burtur frá russiska stjórnarbygninginum, Kreml.
Fríggjadagin upplýsti Sergej Sobjanin á Telegram, at ein »fíggindalig drona« hevði roynt at framt álop. Hann skrivaði ikki, hvar dronan hevði verið.
Russland hevur givið Ukraina skyldina fyri bæði álopini. Ukraina hevur tó ikki viðmerkt hendingarnar.
Dronuálop á russiska høvuðsstaðin hava síðani ársskiftið verið alsamt meira vanlig.
Millum annað vóru tvær dronur fyrst í juli yvir Moskva og ein triðja í grannaøkinum Kaluga. Tær vóru sambært russiskum myndugleikum skotnar niður og megnaðu ikki at gera skaða.
Eisini í juni vóru fráboðanir um dronur yvir Russlandi. Og síðst í mai vórðu átta dronur skotnar niður uttan fyri Moskva. Leivdir av teimum raktur fleiri íbúðarbygningar.
Tað størsta álopið var eisini í mai, tá Kreml var rakt av einum dronuálopi.
/ritzau/AFP
##med2##
##med3##
##med4##
##med5##
##med6##
##med7##
##med8##
##med9##
##med10##
