Fyrrverandi amerikanski varaforsetin var høvuðsrøðari á veðurfundinum World Business Sunmit on Climate Change í Keypmannahavn Høvuðsboðskapurin hjá Al Gore var, at tað er neyðugt at gera okkurt við veðurlagsbroytingarnar sum skjótast, og at heimsins leiðarar mugu standa saman, um nakað skal koma burturúr.
-Tíðin er um at ganga undan. Vit mugu fáa batar longu í hesum árinum. Ikki næsta ár. Í ár. Klokkan gongur, og náttúran gevur ikki kreditt, segði Al Gore í røðuni í Bellacenstrinum.
Al Gore gjørdi samstundis greitt, at altjóða veðurlagsráðstevnan í Keypmannahavn í desember verður sera týdningarmikil, men at tað verður trupult at finna eina loysn.
